ПРОТИВПОЖАРЕН КУЌЕН РЕД
ОПАСНОСТИ ОД ПОЖАР ВО СТАНБЕНИТЕ ОБЈЕКТИ ПОРАДИ
- Неисправна електрична инсталација
- „Калемење“ на електричните осигурувачи
- Неисправни електрични апарати и уреди
- Невнимателно користење на електрични, плински и други уреди при подготовка на храна
- Невнимателно гаснење на запалки, догорчиња од цигари и друго, и палење на оган и цигари на скалите и во подрумите
- Оставање на извори на отворен оган на дофат на мали деца
- Чување запаливи течности и гасови
ВО СЛУЧАЈ НА ПОЖАР ТРЕБА ДА СЕ ПРЕВЗЕМЕ СЛЕДНОТО
Електричната инсталација веднаш се исклучува од напојување со електрична енергија
Електричнте апарати и уреди не се гасат со вода
За гаснење на пожар се користат противпожарни апарати, ѕидна хидрантска мрежа, прирачни средства и слично
Запалено масло не се гасне со вода, туку се покрива со капак, со влажна ткаенина или се посипува со брашно
Запалени предмети од дрво, текстил и слично може да се гаснат со вода
МЕРКИ ЗА ЗАШТИТА ОД ПОЖАРИ ВО СТАНБЕНИТЕ ОБЈЕКТИ
- Електричната инсталација да биде изведена според техничките стандарди и нормативи и да се користи според стандардизирани постапки, по можност да се инсталира „ФИ“ склопка
- Електричните осигурувачи да не се „калемат“ туку да се заменуваат со нови
- Да се користи еден апарат по штекер, а по употребата да се исклучи доколку се осети миризба на пластика или загревање на кбаелот ; на продолжни кабли со или без прекидач во никој случај да не се вклучуваат грејни тела или радиотори ( продолжните кабли не смеат да се оптоварат со сага поголема од 1.2КВА - просечна греалка малечка има моќност од 2 КВА)
- Уредите за гасот кој се користи во домаќинството постојано да се во исправна состојба и да се користат според упатствата на производителите, на начин да не се предизвика пожар или експлозија
- Противпожарните хидранти постојано да се исправни и подготвени за употреба (не постојат во зградата !!! )
- Противпожарните скали и премини за евакуација во секое врема да бидат слободни
- Паничното осветлување на ходниците постојано да е исправно ( не постои во зградава)
- Да не се оставаат извори на отворен оган на дофат на мали деца
- Пристапот до зградата за противпожарните возила постојано да биде слободен
УПАТСТВА ЗА ПОСТАПУВАЊЕ ВО СЛИЧАЈ НА ПОЖАР ВО СТАНБЕНИТЕ ОБЈЕКТИ
- Во случај на пожар прво се врши евакуација и спасување на загрозени лица
- Втора постапка е проценување на можноста за гасење на пожарот и пристапување кон гасењето
- За пожарот веднаш се известуваат соседите, најпрвин од погорните катови, а потоа од другите, поради нивна евакуација на безбедно место
- Ако во објектот има неподвижни лица и мали деца, веднаш се пристапува кон нивна евакуација
- Лицата кои се заобиколени од пожарот и не можат сами да се евакуираат, чекаат на безбедно место (балкони, прозори и друго) да бидат спасени од противпожарната служба
- За евакуација се користи најбезбедниот пат, главните скали, противпожарните скали, излези и премини
- Во случај на пожар лифтовите не се користат (ние немаме лифтови , но чисто за потсетување )
- При напуштање на домовите, влезните врати и прозорците треба да бидат затворени
- За заштита на дишните органи во зачаден простор се користат влажни марами и крпи
- При евакуација во услови на пожар движењето на лицата секогаш е во наведната положба, покрај ѕидот
- По пристигнувањето на противпожарната единица на местото на пожарот сите активности за гаснењето и за евакуација на луѓето и на имотот се вршат под нејзино раководство
СОВЕТ : ПРИ ПОЖАР НАСТАНАТ ВО КУЈНА НИКОГАШ НЕ ФРЛАЈТЕ ВОДА НА ОТВОРЕН ОГАН, ЕДНОСТАВНО САМО ПОКРИЈТЕ ГО СО НЕКОЈА КРПА ИЛИ ПОГОЛЕМА ПРЕКРИВКА - СО ТОА ЌЕ ГО НАМАЛИТЕ ДОТОКОТ НА КИСЛОРОД